قصيدة لشاب رثى بها نفسه و توفي بعدها بيومين

جاني وأنا في وسط ربعي وناسي
جاني نشلني مثل ما ينشل الناس

مني نشل روح تشيل المآسي
تشكي من أيام الشقى تشكي الياس

اثر الألم في سكره الموت قاسي
ماهالني مثله وأنا إنسان حساس

جابوا كفن ابيض مقاسه مقاسي
ولفوا به الجسم المحنط مع الراس

وشالوني أربع بالنعش ومتواسي
عليه ومغطى على جسمي الباس

وصلوا علي وكلهم في مآسي
ربعي ومعهم ناس من كل الأجناس

ياكيف سوا عقبنا تاج راسي
وامي الحبيبه وش سوى بها الياس

اسمع صدى صوت يهز الرواسي
قولوا لها لاتلطم الخد ياناس

قولوا لها حق وتجرعت كاسي
لاتحترق كل يبي يجرع الكاس

أصبحت في قبري ولابه مواسي
واسمع قريع نعولهم يوم تنداس

من يوم قفوا حل موثق لباسي
وعلى رد الروح صوت بالأجراس

هيكل غريب وقال ليه التناسي
صوته رهيب وخلفه اثنين حراس

وقف وقال ان كنت يانمر ناسي
هاذي هي اعمالك تقدم بكراس

ومن هول ماشفته وقف شعر راسي
وانهارت أعصابي ولا أرد الانفاس

ياليتني فكرت قبل انغماسي
بالغفله اللي منتهاها للإفلاس

وفزيت من نومي على صوت ناسي
واصرخ أقول الموت وأحذر الناس

توفي قائل القصيده بعدها بيومين في حادث مرور..

منقول

وفـزيـت مــن نـومـي عـلـى صــوت نـاسـي
واصــرخ واقــول الـمـوت وأحـــذر الـنــاس

والله قصيده وابيات حزينه وموثره

تسلم الايادي على النقل الرائع

يـسـلـموٍوٍ ع المــروٍوٍر الاكـثـرٍ مـن رآئـع

لا حول ولا قوة الا بالله
يالله حسن الختام
يعطيك العافية

ويعافيك ملك الاحساس
لاعدمت تواجدك

قصيدة حزينة تجعل الانسان
يرجع وينظر ماذا قدم في حياتة

يعطيك العافية اختي نبع الوفاء
وتقبلي مروري

هيكل غريب وقال ليه التناسي
صوته رهيب وخلفه اثنين حراس

وقف وقال ان كنت يانمر ناسي
هاذي هي اعمالك تقدم بكراس

أبيات جميله أشكرك أختي نبع الوفاء
تقبلي مروري
الامبراطور

المستشار شكرا لمرورك
فعلا الواحد لازم يحاسب نفسه اولا بباول
لاعدمت تواجدك

الامبراطور الشكر لمرورك
تقبل ودي