هذا الماسنجر وش بعد منه ترجين!

ياللي تنشديني ورى خاطري شين
وشلك بتقليب الهموم الدفينة

لو الجبال الصم تسمعني الحين
يمكن تصدع من بكاي وونينه

انا ضحية عام تسعة وتسعين
انا ضحية عولمة يافطينه

بداية القصة قبل خمس سنين
يومي دخلت النت واحكم كمينه

قلت اتسلى كلها يوم ويومين
واشبع فضولن يسبق الجيم سينه

بديتها يعني ثقافة وتحصين
وانهيتها وسط الماسنجر سجينه

هذا يكلمني عن الرمش والعين
وهذا يقول انه شراع السفينه

وهذا يقول الحب ياشاطرة زين
وهذا يجيني وسط نغمة حزينه

عادي ولكن شخص واحد من الفين
كنت اعتبر نفسي لنفسه رهينه

يرفع شعارات القناعات لدين
يلبس ردى من ارضه والسكينه

له فلسفة تقنع محاكيه باللين
اقنع اذا قال الصحاري نديمه

كنت المسه غيمه واشمه رياحين
كنت اسمعه صوت الاذان وحنينه

اشوفه ركوع الطهار المصلين
اتذوقه رقي الشيوخ الثمينه

لكن نفس الشخص هذا حين
من التفاهه صرت لعبة يدينه

شاطر لعبها صح واستاهل البين
كنت الغبيه التافهه المستهينه

هذا نتاج اللي نصب بالسكاكين
يسيل دمه من مضارب يمينه

شوفيني وعمري وصل لثلاثين
حيه واحس اني بقبري دفينه

هذا الماسنجر وش بعد منه ترجين
شيليه قبل انه يطلب يطالب بدينه

اخاف من يوم يجي خاطرك شين
واصير احرك بك مشاعر حزنه

كلمات الشاعرة شجون}~..

قصيدة في الصميم
كلمات معبرة
يعطيك العافية

كل الشكر لك ملك الاحساس
لاعدمت تواجدك