لحضه قبل لا تطلب البعد وتغيب
وتنهي معاياه مرحله من حياتك
أخذ الهدايا والصور والمكاتيب
دامي خسرتك ماابي ذكرياتك
يمكن يكون فراقنا راين مصيب
خيره كتبها الله جتني وجاتك
مع اني ادري انت ما عنك تجنيب
كنك موصيني وقاضب وصاتك
رح واترك بقلبي لك اربع معازيب
معزتك طاريك حبك غلاتك
وإن شفتني أجمع شتاتي مهو عيب بكره مع الايام تجمع شتاتك
وان شفتني شايل جروحن مع طيب بكره يصير الجرح ابرز صفاتك
الطيب لو انك تجازيه بالطيب ماكان تالي الطيب هاذي سواتك
أكبر مصيبه في زمان العذاريب
إني احبك وانت حبك لذاتك
ياصاحبي لصرت اغلى الاصاحيب لاتزعل بكيفك وتطلب رضاتك
انا حبيبك مبعد الشوح ماني بمضيع جهاته يدور جهاتك
شفني مقدر عند عكف الأشانيب
ماني بمن تومي عليه بعصاتك
رح للفراق إلي تركنا مصاويب
شمت عداتي قبل تمشت عداتك
الله معك رح ما وين ودك تغيب
هاذي حياتك وانت حر بحياتك
موضوع: لحضه 
