قصيدة حزينه

موضوع: قصيدة حزينه الأربعاء سبتمبر 30, 2009 2:00 am

قصيدة كتبها شاب عمل حادث سيارة و والدته كانت معاه وكان مسرعا

نتيجة هذا الحادث

الوالدة توفت نتيجة الاصابات الخطيرة

و هو إصابته كانت خفيفة

و هذي الأبيات قالها للي يواسونه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

كلمات قمه الروعه

معبره جداً

قصيده مؤثر جداً جداً
كلمات نابعه من وسط الألم
تحدث كثيراً هذه الحوادث ويندم أصحابها
على سرعتهم الزائده
جزاك ِ الله خيراً يا صمت الألم
تقبل ِ تحيتي
صمت الجراح

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يا الله ما ابلغها

وما اقساه من شعور

كلمات تبكي الصخر

لك كل الشكر صمت ومني

اجمل تحية

ملاك شكرا لمرورك العطر

تقبلي ودي

في وقت ماحسب حساب

بس الندم عمره مايفيد

تقبل ودي

فعلا نجاة كلماتها قويه خصووصاانها في حق الام

لاعدمت تواجدك

» قصه حزينه
» قصيده حزينه
» قصه حزينه عن الام
» قصيدة عن غلا البيبسي
» قصه حزينه الاب الذي دعا على بناته !!!!!!!!!.