قصيدة المكيــــــــاج

قصيدة المــكياج

--------------------------------------------------------------------------------

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها يا(جيفنشي) توماتيك
وان شافها قلبـي يرحـب يهلـ ي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خلتني مخدوع في شكل خلي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

يازين جمال البنت الطبيعي

الله عليك يا ملك الإحساس

بجد رائعة ورغم ما فيها من قساوة في الوصف الا انها واقعية

اشكرك ويعطيك العافية وتقبل ..

تحياتي

روعه
عن جد والله بعضهم يموتون لو طلعوا من البيت بدون مكياج

والمشكله اضراره اكبر منه
اوقات اتمنى اشوف وجيه صديقاتي الطبيعيه
يسلمو ملك
دمت بخير

NAJATGREEN كتب:: الله عليك يا ملك الإحساس

بجد رائعة ورغم ما فيها من قساوة في الوصف الا انها واقعية

اشكرك ويعطيك العافية وتقبل ..

تحياتي

الروعة في مرورك
يعطيك العافيه
تقبلي تحياتي

صمت الألم كتب:: روعه
عن جد والله بعضهم يموتون لو طلعوا من البيت بدون مكياج

والمشكله اضراره اكبر منه
اوقات اتمنى اشوف وجيه صديقاتي الطبيعيه
يسلمو ملك
دمت بخير

والله مافي أجمل من الطبيعه
بس كثير من الحريم معندهم
ثقه بانفسهم يشعرون دايم بالنقص من غير مكياج
تسلمي صمت

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

ههههههههههههههههههه
وأنا معك إللي تحط مكياج خليها تولي
يعطيك العافيه اخي ملك
تحياتي
صمت الجراح

» قصيدة غزل
» قصيدة عن غلا البيبسي
» قصيدة غزل بالصعيدي
» قصيدة البحر
» قصيدة حزينه