ودي أذوب داخلك يوم لُقياك

ودي أذوب داخلكـ يوم لقياكـ...

هـلت دمـوع العين منـي تناديــك ...
ملـت ثواني سـاعتي طول فرقـــاك

طيــفك يجيني حلـم وأفز لـــبيك ...
كـنك حضرت وخافقي قال حـــيــــاك

وفاح العطر في غرفتي وأنتشى فيك ...
وألغى وجوده ياحبيبي فوح ذكـراك

حتى الظلام اللي كـسا جو مغليك ...
زاح وضوى من عقبه ألفين شبـاك

وأتخيلك قدام عيــني وأناجـــيك ...
ملـيت مابي بالـهـوى غـيـر دنيــــــــاك

وأجمع شـتاتك وأنتثر بين أيـاديـك ...
ودي أذوب بـداخــلك يـوم لقيــــــــاك

وأشعلك شمعه داخلي وأحترق فيك ...
وأسهرك ليلة وأصطبح في محيـاك

وأكتبك جمله وأشطبك حرف وأمحيك ...
والقاك شعر(ن)داخلي عذب وأقـراك

وعـهـد(ن) علي بصـافي الود لسقــيك ...
نـبـع الحـنان بـداخلي مـلك يمنـاك
مما راق لي

كلمات رائعة

قمة في التعبير الجميل

ويناسبها قصيدة ودي اضمك وانفجر فيك واصيح للرد عليها

كأنه الكاتب واحد

روائع

عندك خبر وش غايتي هالدقيقه؟

ودي أضمك وانفجر فيك .. وأصيح!!

في خاطري من جاير الوقت .. ضيقه

وقلبي غدا معطوب واطلاله اتطّيح

لا يغر عينك بسمتي مو حقيقه

بسمه وراها ألف مغزا وتصريح

ودي افجر عبرةٍ بي عميقه

فترة غيابك اشبعتني تجاريح

أكابر وبقصى ضلوعي حريقه

نارٍ لهبها لوح الجوف تلويح

تعال ياني لشوف وجهك شفيقه

كل العنا والهم لا شفتك يزيح

علمني كيف الحل كيف الطريقه؟

وشلون أضمك وانفجر فيك وأصيح!!

صدقتي في ردك
رد جميل ورائع
أشكرك عليه يا نجاة
وعن جد دائماً متميزه
يعطيك العافيه