أبي *أرضيك*

عجزت أحدد إحساسي وألم شتاته المنثور ..
وأرسم بالحروف شعور بات سنين مزعجني ..
شعور قاسي طبعه وأنا في قسوته مأسور ..
مثل طعم القهر وأكثر بغيمه حيل خانقني ..
أبشكي لك أحاسيسي تبي تطلع تشوف النور ..
ولكن قسوة بعادك تعاندها وتقهرني ..
أبي أضحك وأبي أفرح .. أبي أمشي كما المغرور ..
أبي أمزح معك وأحكي وقلبك بس يسمعني ..
وأبي أبكي مثل طفل يصيح وخاطره مكسور ..
ولامن شفتك أشكي لك بعادك
كيف عذبني ..
وأبي أسكت واسمع لك وأناظر بالعيون الحور ..
أبي أسرح مع همسك إلين الهمس يسحرني ..
أبي أحس بوجودك وأبيك بدنيتي كالنور ..
أخاف أن طالت الظلماء يصير النور يزعجني ..
أبي لو بس تفهمني وتعرف ليه
أنا مقهور ..
وأحس أني من عنادك أحاسيسي تعاندني ..
وأحس بطيبتي قسوه ترعب حبي المذعور ..
وتهدم كل آمالي بلحظه ثم
تهدمني ..
أبي *أرضيك* رغم أني أبات
*وخاطري مكسور*..
وأبي *أرضيك* لوهمي من الأفراح يحرمني..
ولا أبي منك غير إنك تحس
"بقلبي المجروح"
وتستوعب مدى الحرمان يوم البعد "قاتلني"