سيدة قلوب البريه

زائر

لاتقـولي اشلـون قلبـي صــار فــي دنـيـاك غـالـي
والله إنــك فــي عـيـونـي سـيّــدة قـلــوب الـبـريّـة

ايـه احبـك والمحبـة اسرفـت فــي جــرح حـالـي
أعتـرف والشـوق حــارق كـنـه بـروحـي شظـيـة

ياحـبـيـبـي ماعـشـقـتـك مـصـلـحـة والاّ تـسـالــي
ولاعشقـتـك مــن فــراغ وخافـقـي يشـهـد عـلـيّـه

إنـتي مـن خليـتي قلبـي يفـرضـك داخــل مجـالـي
بإهتـمـامـك وابـتـسـامـك وبـغـرامــك والـحـمـيّـة

وفيـك ياخـلـي بــراءة طـفـله فــي طبـعـها مثـالـي
رقـتــها هـــي راس مـالــها مـاتعـرف العنجـهـيـه

وفـيـك ياخـلـي عـذوبــة نـهـرهـا دايـــم زلالـــي
والضـمـا والــريّ حـبــك والطـهـارة بـك سـجـيّـة

صادقه ماشفت زيفك ومثـل صدقـك ماطـرى لـي
يابـعـد كـــل الـخـلايـق خـافـقـك مـاشـفـت زيّـــه

ياحبيـبة الـروح شعـري وإن كتـب يـاراس مالـي
كـلـهـا لـعـيــون قـلـبــك يـابـعــد قـلـبــي شــويّــه

بأختصـرلـك طــول شـعـري بالـغـلا اول وتـالـي
واسمـعي البيـت العميـق وشـوفي حجـم الشاعـريـة!

أنتي شمسي في زماني وأنـتي حلمـي فـي خيالـي
وأنتِ طهر العشق فينـي وأنـتي نبـض القلـب فيّـه

يعنـي حبـك فـي حيـاتـي واقـعـي وأحــلام بـالـي
أكتـبـك بـالـروح فيـنـي وأطبـعـك بـعـروق حـيّــه

هـاك ذا بـوح الحنايـا جـاك مـن عـشـق ٍ جـرالـي
أكـتـبـه لـعــروق قـلـبـك واقـبـلـه مــنــي هــديّــة

أمــا أنـــا لو هـو بـكـيـفـي مـاتـركـتــك يـاظــلالــي
ولاتركـت البُعـد يلقـى فـي ظـروف الوقـت فيّـة !

وإن بغيتي الصدق حبـك صاير(ن) فـوق احتمالـي
والشـعـور الـلـي بقلـبـي فــوق حـمـل الأبـجـديـة

بـس واللـي حـط قلـبـك بـيـن كــل الـنـاس غـالـي
لأحفـظـك واشـيـل حـبـك فــي حـنـايـاي الـوفـيّـة

مما راق لي ....

هذا هو موج البحر وهذا هو اختياره
ابيات غاية في الذوق
ليس غريب عليك ابو خالد تداعب مشاعرنا
بهذه الابيات فانت من اهل الشعر واربابه
تحياتي للمبدع المميز