بلعن امك ياشيخ

زائر

كيف الحاال / أخباااركم ؟؟..

بصراحه فيـه موضوع شدني وحنـا غافلين عنه من جد ..
ما تلاحظون إن كلمـة [ يلعـن أمـك ] استغفر الله
إنتشرت إنتشار غريـب و مريب ..
وصار اللي يقولها عــااادي جـدآ ..
كأنه قايـل [ السـلام عليكم ] ..!
و الأغرب إن اللي تنقـال له عـادي عنده ..!!
كيـف ترضى على أمك ؟! و ليش ؟!
بعض الشبـاب الله يهديهم اللحين بالعكس
صارت عندهم يلعـن أمـك مدحه ..!!
أو هذا تعبير عن الحماس في سالفـةٍ مـا !
مثـلآ ..
يجي واحد يقول : والله أمس سويت كذا وسويت كذا ..
يجي الثاني يقول : يلعـن أمـك ياشيخ ..!!
و إذا قال لـه [ يلعـن أمـك ]
مـدّ هالخشه شبرين كأنه قايل له شعر يمدحه ..!

و إلاّ بعض الشبـاب .. واحد يسأل الثـاني :
وش رايك باللاعب الفلاني ..؟
يقول : يلعـن أمه يلعـب من جد ..!
طيب أبي أفهـم .. وش دخل أمــه بالموضوع ..؟!
للأسف الشديد إن الكلمـة هذي منتشره عندنا إنتشار كبيـر ..
و الآن حاصله مع الشباب في جلساتهم وامتدت الى جلسات البنات..
د: وينك أمس يلعـن أمـك ؟
خ : أبد رحت مع فلان الله يلعـن أمه .
د: ليه ماقلتلي إنك بتروح معه الله يلـعن أمـك أنت ويّاه ؟
خ: وش دراني إنك بتروح يلعـن أمك !
ولاَ كأنهم قالوا شي ...!!
وللأسف إنها تقريبـآ أكثر كلمـة تنقال هالأيام ..
الحمد لله مااقولها
الله يهدينا بس
وكم واحد تسأله عن هالكلمه .. بيقول لك : صارت عاده ..!
عذر أقبح من ذنب..
مافيه شي تتعود عليه وإنت تدري انـه موب زين ولا تقدر تخليه ..!
يمكن إنت تغفـل أو تـتـغـافل عن الذنب
اللي تحصلـه من هالكلمـة ..!
بس لا تنسى و إنت تقول هالكلمـة
أنك تسوي شيء من الكبــائـر ..
أنتوا تخيلتوا معي ..؟!
كبـائـر الذنـوب ..!!
صحّ عليه الصلاة والسلام أنه قال

: { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .

وش راااايكم وش الحل لهذه المشكلة الخطيره

يعني لهدرجة مافيه احترام ولا تقدير للأم
موضـــوع احسه يستحق النقاش .. فنقلته لكم

ولكم تحياتي

تحياتي موج البحر ..

ظاهرة سيئة جدا وردي على سؤالك هو المثل المتداول عندنا ..

الولد العاطل يجيب لأهله المسبة .. بمعنى

ان الولد الذي لم يربى بشكل صحيح سيكون السبب في سب اهله ولعنهم وذمهم بسبب سوء تربيته

فلو انّ هذا الشاب يحمل ذرة احساس ومحبة لأمه او ابوه في نفسه لما قبل لهم بالإهانه .. ولو انه يعترف بفضلهم

وقيمتهم وجهدهم في تربيته لما رضي لهم المسبة والتقليل من قدرهم

ولكن طالما انه تقبلها واعتبرها عادة وليست شتيمة فهو اذا بعيد كل البعد عن المشاعر التي تربط الولد بوالديه

ويفتقد للعلاقة الأسرية والترابط بينهم

بالنسبة للحل والعلاج فقد يكون ضروري ان يواجه هذا الشاب بسؤال مباشر وهو ..

هل تقف بوجه امك او ابوك وتقول له الله يلعنك ؟؟

بالتأكيد سيستنكر ويثور ويستبعد عن نفسه مثل هذا التصرف

اذاً لماذا قبلتها من غيرك ؟

من يرفض ان يقف بواجه والدته ويسبها المفروض ان يرفض مسبتها من اي شخص اخر لأنها اساءت لها سواء

منه او من غيره

بعد اجابة الشاب على هذا السؤال نستطيع أن نحكم ..

هل هو من يستحق العقاب

ام أن اهله فعلا يستحقون المسبة

تقبل مروري مع تمنياتي بان اكون قدمت رأي جيد فتقبله مع ..

اجمل تحية

فعلا ظاهرة سيئه بدرجه كبيره
ومرة كنت جالسه بجمع في المطاعم
ومعاي ولد اختي في صف اول ثانوي
وفي عيال مو كبار يعني تقريبا متوسط للثانوي كانوا يسلفون شوي واحد فيهم قال يلعن امك التفت والباقي عادي ولا كن سب ام احد فيهم بالعكس كانوا مرة عادي
قلت لولد اختي ليكون انت بعد ترضى احد يقولك كذا وعادي قال خاله الحين كل العيال يقلونها
قلت اساسا انت لو تحترم امك او تحبها حتى مارضيت احد يقولك كذا قال والله احبها بس يعني اتضارب معهم قلت لا بس بسلوبك وماتسكت لهم من اول مرة
وكذا بيعرفون حدهم معك او اذا قالوا كذا تقوم وتخليهم وتقولهم لهم وانتم ماشي الي مايحترم امي مالي مكان بينهم
وبكذا اذا هم يبونك كصديق ماراح يقلطون لا على امك ولا على احد

سبحان الله الكلام السيء ينتشر بسرعه
الا من يرضى لاحد والدينه ينطرد من رحمته الله
الله يعطيك الف عافيه
تقبل ودي