كلمات في الغزل

حبيبي نام ياعمري على صدري وصارحني

وفض الصمت باحساسك وخل الحب لي يجري

وفضفض لي بعد عمري وعاتبني وفهمني

أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني

يبي يلامس شغف روحي ويقطف بوحي من شعري

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

أنا نبضك زهر أرضك وأنت؟! ايه تملكني

بنحل خصرك ..جمر ثغرك وزود بلونك الخمري

تتوهني .. تغرقني.. ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني

وأبي عيونك من عيوني تذوب من الولع كثري

وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري؟!

زائر

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

رقه عذوبه تميز جمعك الله بمن احببت قبل نفاذ صبركــ

فارسنا

كلمات الرائعه واحساس جميل

الجميل هو مرورك نبع
تحياتي وتقديري

رقة وعذوبة

كلمات ليست كالكلمات

يسلموا الأيادي يا فارس الكلمة الجميلة

اجمل تحية لك على ابداعك

ماشالله يبي كل شي
الطمع قل ماجمع
قصيدة رائعة
خلتني اخش جو
واسرح
يعطيك العافية يالفارس

» تعلموا الغزل من القطط
» من أروع ماقيل في الغزل
» اسلوب الغزل الجديد اسمع الاعتراف بنفسك
» كلمات تهز قلب اي رجل
» كلمات عجبتني