الـــــغــــــــلا

زعلان لكن عارف شلون اراضيك
ماحد غيري يعرف بطبع خلي

　
اعرفك لي منك تضايقت وشفيك؟
ماعاش من زعل حبيبي وكلي

　
من نظرتك من هيئتك وتغليك
اقرأ ملامح ضيقتك لا تقلي

　
ادري علي زعلان لكن اوريك
شلون ترضى يا بعد كل من لي

　
ملح الحياة اني اضمك واخليك
وش هي الحياة بدون جد وتسلي؟

　
ساعات لي خاطر اجيبك ووديك
وارفع حرارة حبنا بالتغلي

　
اقول ماحبك وما ابيك ..مابيك
عشان اغيضك بس وافشي غلي

　
لا الحقيقه اني اهواك واغليك
ومحبتي لك ماب عدها تخلي

　
ودي احطك وسط عيني واغطيك
عشان ماتبعد عن العين ملي

　
لي غاب حسك نبض قلبي يناديك
بشتاق لك بالحيل يابعد كلي

　
اقعد انا والشوق دايم بطاريك
افكارنا مابين ربط وحلي

　
زعلان مني كل كلي يراضيك
ماحد غيري عارف بطبع خلي

　
يالله تبسم يالله ذبحني تغليك
ماحد غيري عارف بطبع خلي

سلمت يداك
كلمات في قمة الروعه
تقبل ودي

هونك
صح لسانك
وعساك على القوة
والى الامام
دايم قلبك خضر
تقبل مروري

والله سجلت في المنتدى عشان أقولك (أنت مبدع)كلامك قريب من مشاعر الاخرين
تحياتي تحياتي تحياتي لك يامبدع سلمت يدك
نكك جنااان
ودمت مبدع أن شاء الله

نبع الوفا
الرائع هو مرورك
تحياتي لك

المستشار
القلب الخضر هو قلبك فديتك
سلمت ولاهنت على مرورك
تحياتي لك

أحاسيس
مايحس ويقيم المبدعين الا أساتذه في الابداع
وصدقيني أنا كلامي متواضع وأذا حسيتي أني أبدعت مابدعت الا في منتدى كله مبدعين
تحياتي لك أختي

الله الله الله الله عليــــــــــــك
كلام رائع رائع لااجد كلام لوصفة هونك ياقلبي ابدعت رااااااق لي بشدة
تسلم اديك
ودي

اهنيك على روعة تعبيرك ورقة احساسك

ان كان للأبداع عنوان فهو ...

هونك يا قلبي

تسلم ايديك على ما اتحفتنا به وتقبل ...

اجمل تحية

سماعهود
الله الله الله عليكي وعلى مرورك الرائع
ربي يسلمك قلبك من كل شر
تحياتي لك وألف شكر على مرورك الرائع

NAJATGREEN
تحياتي لمؤالقت المنتدى
صدقيني مايؤألق مواضيعي الا اللون الاخضر
وأّذأ كنت أنا عنوان الابداع
أنتي أساسه
تحياتي لك وألف شكر على مرورك الثمين