شعر من نوع آخر روعة‎

فيروس هجرك عطل القلب تعطيـل
و دمر ملفات الفـرح فـي حياتـي

ياللي سكنت القلب من دون تحميـل
متـى لموقعنـا تشـرف و تـاتـي

عنوانكم ماهـوب ياهـو وهوتميـل
عنوانكـم روحـي و قلبـي و ذاتـي

كم مرةٍ أرسلـت لـك عبر الإيميـل
و أدورك فـي منتـداي و شـاتـي

و أرسلت لك يا زين فايـلٍ ورى فايـل
فيها الغلا و الحـب يا أغـلى أمنياتـي

و أرسلت لك قصة عذابي مع الريـل
ياللي غيابك هـو سبايـب شقاتـي

دايم عليك أبحـث بياهـو و جوجـل
و أنـت و لا تسـأل علينـا بتـاتـي

خابرك بنتيوم فـور أصلـي و إنتيـل
لكن خسـارة غيـروك الوشاتـي

و كان الهكر غروك بالقـال و القيـل
بأدعي عليهم في سجودي وصلاتي

يا جعلهـم بقعـاء و طيـرٍ أبابـيـل
ترمي عليهم بأمـر ربـي حصاتـي

يرضيك من حبك غدى منهك الحيـل
ريقي غدى ناشف و يبسـت شفاتـي

أقضي الليالي دمع عينـي هماليـل
لا مـن طريتيلـي تـبـدد مبـاتـي

صحـراي جفـت مالفانـا مخاييـل
و أنت المزون اللـي تـروّي نباتـي

و ياشين حالي لا قريـت المراسيـل
في الأوتلوك أذكر قصص ماضياتي

منك حزين الحرف شـاف البهاذيـل
و قلبك مثل قرصٍ صلب في القساتي

موقعك في وجهـي مقفـل بتقفيـل
حتى البروكسي ما نفـع وش سواتـي

بمفضلـة قلبـي عطينـاك تفضيـل
أنـت المفضـل عندنـا يا غنـاتـي

و يا زين هجرك عطل القلب تعطيـل
و من غير شوفك و ش تساوي حياتي

كني بدونك قرص فـارغ و لا فيـل
فاسـد ومرمـي بسلـة المهملاتـي

ما عدت أفرق بين اكسس و أكسيـل
و ماعدت أفرق بيـن بلتـك و شاتـي

و باشكي على الكيبورد كثر الغرابيل
و أكتب على الوورد المطور وصاتي

و هذي النهاية حطها وسـط تظليـل
لا مـت ف غيابـك سبايـب مماتـي

أتمنى تعجبكم

منقووله

كلمات جدااااااا رائعه كاروعتك هموسه

ألف شكرلك على مانقلتيه لنا

تقبلي ودي

نبع الوفاء

صاحب القصيدة
عنده جنون الكتروني
حول مشاعره لمصطلحات الكمبيوتر والنت
وصار مهووس كان الله بعونه
وتحياتي لك همس على التنوع الذي تقدمينه

من جد مجنون الله يصبر أهله عليه

مرورك شرفني وأسعدني

لا حرمت اطلاتك

دمت بخير

ارسليه الى ملك الاحساس
تراه دكتور نفسي
يعطيك العافية
همس الحنين
تقبلي مروري

ولا يهمك بارسله بالفاكس

مشكوووراخي المستشار

على مرورك العطر