سكنت الجرح ياقلبي

كفاك الدمع ياقلبي ترى دمعك علي غالي
أنا مالي بهاالدنيا سواك أحد يواسيني

دخليلك حتى لو صاحت جروحك ترفق بحالي
أخاف صياحهــا يحي جروح ميتة فيني

صعيبــة والله هاالدنيا على مثلك وأمثالي
صغار عالحزن لكن أبت تستوعب سنيني

سقتني المر في عمر شرب به غيري الحالي
وكل ماصحت يادنيا ذبحني المر تسقيني

وحيد عشت أنادي الفرح لجروحي ولا جالي
رحلت بكل صوب ومالقيت اللي يداويني

وتراها ماغدت تفرق معي لوطال ترحالي
أنا اصلاً سكنت الجرح وضاعت به عناويني

عشقت الحزن مو برضاي وعياً الوقت يصفالي
ويوم إنه رجف دمعي ذبحته في وسط عيني

لك الله وش يفيد الدمع ولو هو سيل متوالي
لك الله امسح دموعك ترى هالدمع يشقيني

مصير جروحنا تذبل قصرها العمر اوطالي
وأذا جرحك أبا يبرى بضمده بشراييني