اكاديمية الحب Academy of Love

منهج الحب التعليمي الاول على مستوى العالم الذي يدرس الحب وفق مقرر كامل يشمل جميع جوانب الحب يالاضافة لاكبر مكتبة حب عربية أقواال وعبارات حب كتب وأشعار ومؤلفات صور رومانسية ومقاطع صوت وفيديو امسيات شعرية وحوارات ابحاث ودرسات وكل ماهو مفيد وشيق في عالم الحب
 
الرئيسية قـــــدســــــــــــــــية الحـــــــــــــــــــبحكمة الحبأدب الحـــــــــبقانون الحبفلسفة الحبسيكولوجية الحباتكيت الحبأهلا بكالتسجيلدخول

شاطر | 
 

 رسآئل جوال ارسلت بآلغلط؟؟؟؟

اذهب الى الأسفل 
كاتب الموضوعرسالة
همس القلوب
مراقبة المنتدى

مراقبة المنتدى
avatar


عدد المساهمات : 308
المدينة المدينة : المدينه المنوره
تاريخ التسجيل : 31/10/2010







مُساهمةموضوع: رسآئل جوال ارسلت بآلغلط؟؟؟؟   الأحد يونيو 19, 2011 1:54 am

رسآئل جوال ارسلت بآلغلط نبي نضحك شوي


(1) بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء :{ !! .....



(2)مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت




(3)وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...





(4)مره انا كنت والده في المستشفى وحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها



(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي :{ .....





(5) أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا الي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..


والا هو جاي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:




(6)قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:



(7)كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...




(8)مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..


تتخيلوا ...... الرساله راحت لزوجي وزعل وارسل تهديد


وانا انطميت وسكت والله موقف لن انساه




(9)مره اختي مسافره برا وهي مديرة مدرسه .....


المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرسات ....يعني نفس النص ما غيرته وتعالوا شوفو الضحك والفشيله






(10)انا مره اتصلت على وحده ماردت بعد شوي جاني منها مسج كاتبه


((يافلانه ترا فلانة (إلي هي أنا) ازعجتني بالاتصالات ومارديت عليها))


والمشكله اني مادقيت الا مره وحده ..


عاد تحسبوني سكت ارسلت لها مسج قلت:


(( ربي باغي يفضحك ))




(11) جتني رساله من رقم ما أعرفه بس تقول :


((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))


على طول رديت قلت :


((تراك غلطانه وعلمو الحرمه انكم تبي تزورونها ترى الرساله هذي ماوصلتها))




(12) انا مره واحد ارسل لي رسالة بالغلط :

(فلان انت صاحي ولا نايم)ارسلت له : تراك غلطان رد :


( بلا استهبال جب معك فطور)




(13)مره في العيد اخوي ما جاء هو وأهله لنا كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
يافشيلتاه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد مارد ارد مارد .. ردي يابنت الناس واعتذري وخليك جاده ورسميه وقولي والله غلطانه يوم رديت طلعت حرمه ..السلام عليكم عليكم السلام أنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,توقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!!قلت لها ليش؟قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه مرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟قلت لها والله ماعرفك..غلطانه والله غلطانه قالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتنياوف اعوذ بالله شكلها مرره شكاكه حلفت لها مليون يمين اني ماعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز الي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليه يالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هذا الي ناقص بعد ,,



هاذي احلى وحده جنونان
(14)امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساير يوافق عليها

وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمن قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..

ما درت انه هو الشديد ..

ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا الي كلمتيه تو ..

قامت تضحك وقالت : اصلا امزح ماني رايحة لاحد <<<< ترقع...






الرجوع الى أعلى الصفحة اذهب الى الأسفل
غير البشر
نائبة المدير

نائبة المدير
avatar


عدد المساهمات : 2599
تاريخ التسجيل : 04/07/2010









مُساهمةموضوع: رد: رسآئل جوال ارسلت بآلغلط؟؟؟؟   الأحد يونيو 19, 2011 8:48 am

ههههههههههههههههه

وناسه الرسائل الغلط

انا مره دقت علي وحده ونشبت لي تقول حولت لك

رصيد وانا اقولها ماوصلني شي

غلطانه اصلا جوالي هذا لا يرسل ولا يستقبل

جلست تقولي اصلا بحول لاخوي

وبدل الخمسه حطيت اربعه

المهم نفخت فيها وسكرت

وبعدين ركبت الشريحه في جوالي الثاني الا هي رساله

تم اضافة عشره لرصيدك

انبني ضميري قلت ادق عليها

قلت لها الحين مناشباني على عشره

وانا شاحنه بميه ماني بحاجه عشرتك

بس جوالي مايحول لاغيه هالخدمه

بكره اشتري لك غيرها

قلت لا خلاص

واخوها بينتحر جنبها

ههههههههههههههه






ﺳـﺄﺭﺣـﻞ ﻭ ﻳـﺮﺣـﻞ ﺍﺯﻋـﺂﺟـﻲ ، ﻣـﻌـﻲﺀ ﻓـﻲ ﻳـﻮﻡ ﻟـﻦ ﻳـﺘـﻮﻗـﻌـﮧ ﺁﺣـﺪ ♥
الرجوع الى أعلى الصفحة اذهب الى الأسفل
همس القلوب
مراقبة المنتدى

مراقبة المنتدى
avatar


عدد المساهمات : 308
المدينة المدينة : المدينه المنوره
تاريخ التسجيل : 31/10/2010







مُساهمةموضوع: رد: رسآئل جوال ارسلت بآلغلط؟؟؟؟   الإثنين يونيو 20, 2011 6:07 am

ههههههههههههههههههه

غير البشر

مواقف بالغلط بس حلوه

والواحد ماينساها

يسلمووو ياعمري

احترااامي






الرجوع الى أعلى الصفحة اذهب الى الأسفل
 
رسآئل جوال ارسلت بآلغلط؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اكاديمية الحب Academy of Love :: المنتدى :: المنتديات الادبيه :: منتدى النكت والطرائف-
انتقل الى: