من تجين

موضوع: من تجين الجمعة نوفمبر 20, 2009 12:05 pm

من تجين

ماادري وش اللي يقلب الدنيا
ويخليها تزين؟
وش يجعل الأشيا كثير اجمل
وش يجعلك فوق العروش الأوله
في مملكات الفاتنين!

أحس ما كني بشر ..
في شوفتك أتحول نجوم وقمر
واضوي لك الظلما شعر
واغردك مثل الوتر
واقول للفرقا دخيلك لو سمحتي لا تجين .

من تجين
أعطرك عطرين
عطر اشواقنا وعطر الحنين
واغيب في طيب اللقا
والملتقى والياسمين

أشرب من النشوة حياه
أسقي تفاصيل الحياه
واحياك ياكل الحياه
في ساعتين

ياانتي ترى ماكنت انا قبلك
ولا بعدك بكون ..
يا أول اطوار العقل
يا آخر أطوار الجنون

من تجين
أقول يا سبحان من سواك رب العالمين
يا أروع احساس تجاوز فلسفات المبدعين

شلال من فتنه ونور
سحر يذل الحور
ويهد الغرور

روز ثقيل
يا درة الدر ونشيد الحر
يالين طبعك لو قسى

انتي أبد ما تشبهين احد أبد
من تجين يلفني صمت الخشوع

اترجم اشكال الدلال
رحال
مابينك وبينك

من تجين
إذا شطحت استجمعك
ملاك لكنك بشر

من تجين
أنسى اللغات
كيف يمضي الوقت مدري

من تجين
المطر يهدى
أطرب لكل الثواني اللي تمر
دامني جاوزت حدك يالهوى
ومن يكون الحب همه

من تجين
ولا عاد يعنيني الكلام اللي يضيع
تشعبي في داخلي
لك ألف ديره وألف دار
استوطني كل الجهات
الغي مسافات الحوار
يكفيني اني بك اضيع
يكفيني اني بك ربيع
ما عاد يعنيني نهار
ولا غياب
ولا انتظار
ما دامك الشمس الحضور المعركه والإنتصار

لايهمه
يقطع زمام الملام ولا يحاسب
واعتليت اعلى المراتب

مغرم بكل المذاهب
مهتوي ، مرفوع عن عقلي العتب
ولا يهم اللي يعاتب

كل ثانية عمر
آه يا سرعك ويازينك عمر
وترتاح العواصف
ويتجلى احساسي اللي غردت فيه العواطف

كل نبض ان قلت احبك
ارتعش بي وابتدا
وكل حرف اليا شعرت انك ملكتيني شدا
حبنا الصوت الحقيقي
وباقي الحب الصدا
ولو يعرف اللي غدا بالحب مثل اللي نعرفه
ماغدا

كيف يجري
كيف وانا في وجودك
احلم وباسمك أهذري!

وخارطات الكون كله
والخواطر من سفرها تعود لكن مسفهله
أتنثرلك دروب
واشرق بليا غروب
واحلف اني عن هواك اللي ذبحني ما أتوب

بشر ولكنك ملاك
عندك تعلمت الحذر
لجلك تعشقت الهلاك
أنا بلاي انك بلاي
وانتي بلاك اني بلاك
دنياك ما تنفع بلاي
ودنياي ما تنفع بلاك

إذا تعديت ارجعك
الله يا الله يا الله ما أروعك

اقطع خطوط الذاكره
واشطب على باكر
واكون في شرع الغرام
الناسي الذاكر

اسج من عينك لعينك
واصير مرسول الملا
وسفيرهم مابين ايدينك

افسر إشكال السؤال
واعيش ما بين الحقيقه ونصفها -
وبين الخيال

واغيّض المعنى لغيوض
واصير شاعر في دجى الكلمه ينوض

وافنى مثل ضي الشموع
واستلهم ابعاد الغموض
أخوض في جوف القوافي والعروض

ولو كل زين بك تشبه
أو تقرب واجتهد
مالك مثيل الا المحال المستحيل المستحيل
جل الذي جلى جمالك
اشهد انه أكثر اكثر من جميل

ياعدل قلبك لو يجور
ويا بدر البدور
وحوله العالم تدور

[/size]

موضوع: رد: من تجين السبت نوفمبر 21, 2009 10:59 pm

ياانتي ترى ماكنت انا قبلك
ولا بعدك بكون ..
يا أول اطوار العقل
يا آخر أطوار الجنون

من يجي الحبيب نحس باحساس رهيب
نعيش اجمل لحظات القاء والحب بكل ماتجتويه من معاني جميله
تسلم يمينك

موضوع: رد: من تجين الثلاثاء نوفمبر 24, 2009 1:45 am

حبنا الصوت الحقيقي
وباقي الحب الصدا
ولو يعرف اللي غدا بالحب مثل اللي نعرفه
ماغدا

يسلمو

موضوع: رد: من تجين الأربعاء يوليو 21, 2010 2:28 pm

نبع الوفاء كتب:: ياانتي ترى ماكنت انا قبلك
ولا بعدك بكون ..
يا أول اطوار العقل
يا آخر أطوار الجنون

من يجي الحبيب نحس باحساس رهيب
نعيش اجمل لحظات القاء والحب بكل ماتجتويه من معاني جميله
تسلم يمينك

صحيح للحب طعم آخر يجعل المحب
يسعد بقرب من يحب
اسعدني مرورك

موضوع: رد: من تجين الأربعاء يوليو 21, 2010 2:38 pm

الله الله

ابدااااااع ليس غريب على ملك الكلمة الرقيقة والإحساس المرهف

يسلموا الأيادي ويعطيك العافية ملكنا

روعة بجد

اجمل تحية لك

زائر

الله الله ا الله ما أروعك

يا أروع احساس تجاوز فلسفات المبدعين

يا أروع احساس تجاوز فلسفات المبدعين

يا أروع احساس تجاوز فلسفات المبدعين

يا أروع احساس تجاوز فلسفات المبدعين

اشهد انه أكثر اكثر من جميل